Yun padin naman ang kwento, nagpapatuloy lang ang struggle, lumalaban, pumapalag, naglalakas loob at nananalangin. Pero konting konti nalang, malapit na kong pumetiks. Malalanghap ko na ang tunay na pahinga. Ang tagumpay sa kabila ng abalang buhay. Tapos na ko sa mga pagsusumamo ko sa mga asignaturang binigyan ko ng importansya ngayong summer, ngayon naman eh tututukan ko ng konsentrasyon ang OJT. (charot) :)
a. Hay, wala akong masabe..ay meron pala. Ngayong tapos ang summer classes ko, mabuhay na sana ko ng maaliwalas, wala sanang pressure, wala sanang kade-depressan, wala sanang maging problema. (tungkol sa OJT)
So far naman mabait parin ang pagkakataon saken, mababait ang tao sa paligid, laging nakangiti, pandagdag ng pwersang masaya.
b. Tapos na ang Finals / Departmental exam na galing mismo sa office of the president ang lahat ng topic ng exam. Nainis lang ako ng bahagya dahil yung binigay na topic ng office eh walang wala sa kung ano yung topic na tinuro samin, edi wala akong naisagot sa test paper, buti nalang may multiple choice edi nakapanghula ko ng sagot kahit papano. Pero nawala din yung inis ko matapos kong iwanan ng "notes" yung test paper. Sana naman umubra lahat ng sinulat ko ng maawa sila kahit papano. badtrip lang eh, halos lahat ng subject na kinuha ko ganon, panigurado bagsak ako. nakakapanghinayang yung mga pinaghirapan ko.
c. Hindi ko na alam kung ilang araw ang ginugol ko sa pag-aaral ngayong summer, basta nakaraos na ko, ok na saken. Sa ngayon, ayoko munang isipin kung ano ang magiging grado ko ngayong nagtapos na ang final exam sa tatlo kong subject na sinammer. (na alam ko naman na dapat akong mag-alala) Eh basta! gusto ko lang magrelax, mag-enjoy sa OJT, ngitian ang ibang tao at magpasalamat sa walang sawang positive energy.
d. Etong summer na to ang maituturing kong pinaka-abalang summer sa buhay ko. Panibagong ekspiryens na den kahit papano. Summer kung saan pinagsabay ang summer classes at OJT, araw araw gumigising ng alas-singko ng umaga para maghanda ng babaunin, at mag-isip ng mga bagay bagay para lang mapabilis ang oras. Bumabyahe mula commonwealth hanggang morayta, umaakyat ng overpass, naglalakad hanggang MV Delos Santos, tuwing martes at huwebes. Sumasakay naman ng "cubao, kamuning, arayat", bumababa ng v-luna, naglalakad ng konti papuntang LRA tapos liko sa kanan papuntang central office ng PAO , tuwing M-W-F. Yan ang epikong pakikipagsapalaran ng buhay ko mula lunes hanggang biyernes. Hindi gaya ng dating summer na nasa bahay lang at nabubugnot, nagaantay ng may magaaya ng gala, at pumunta kung saan para magbakasyon.
Ngayon palang alam ko na ang dapat kong matutunan bago pa man matapos lahat ng pinagkakaabalahan ko. Saglitang pag-aantay nalang, makakapagpuyat na ulit ako! haha! :D
kung mabasa mo man to... ibig sabihin, natapos mo!
galing! :D
No comments:
Post a Comment